Қазақстанға коронавирус бар елдерден қанша адам келді?

Қазақстанға коронавирус бар елдерден қанша адам келгені белгілі болды. Бұл туралы  Тауарлар мен қызметтердің сапасы мен қауіпсіздігін бақылау комитеті хабарлады. 

Қытайдан 1454 адам келген, 401 адам карантинде жатыр. Олардың 90-ы қазақстандық,  311-і шетелдік азамат. Шетелдік азаматтардың 306-сы Қытай азаматы. Қазір 232 адам каратиннен шығарылып, 169 адам карантинде қалған.

Ираннан Қазақстан 69 адам келген. Келген адамдардың 68-і карантинде жатыр. 52 адам – қазақстандық, 16 адам – ирандық азамат. Қазіргі таңда 35 адам карантиннен шығарылып, 33 адам карантинде жатыр. 

Оңтүстік Кореядан 819 адам келген. Карантинде жатқандардың саны – 764. Олардың 706-сы қазақстандық болса, 58-і шетелдік азамат. Сондай-ақ шетелдіктердің 13-і оңтүстіккореялық азамат. Карантиннен 65 адам шығарылған, 699 адам карантинде жатыр. 

Италиядан 37 адам келіп, барлығы карантинде жатыр. Италиядан келгендердің 33-і қазақстандық, төртеуі шетелдік. Әлі карантиннен шығарылғандар жоқ. 

Франциядан келген 17 адам үйде оқшауланған. Олардың 15-і қазақстандық, қалған екеуі шетелдік азамат. 

Германиядан 217 адам келген. Олардың 108-і қазақстандық болса, 109-ы шетелдік азамат. Қазір 195 адам үйде оқшауланған. 

Испаниядан 34 адам келген. Олардың 19-ы қазақстандық, қалған 15-і шетелдік азамат. 32 адам үйде оқшауланған. Жедел респираторлы вирустық инфекция мен тұмау белгісімен 23 адам ауруханаларға жатқызылды.