Қордайда болған тәртіпсіздікден 5 адам ұсталды

Жамбыл облысының Қордай ауданында болған қазақ-дүнген жанжалынан кейін бес адам ұсталды. Бұл туралы бас прокурордың орынбасары Болат Дембаев мәлімдеді.

– Қордайдағы жағдай бойынша бес адам ұсталды. Екеуі бұзақылық жасап, ересек адамды ұрып-соққаны үшін және полиция қызметкерлеріне бағынбағаны үшін ұсталды. Бұл туралы БАҚ-тарда жазылды. Ал өрт шығарып, адам өлтіру деректері бойынша тергеу жүріп жатыр. Әлі ешкімді ұстаған жоқпыз. Себебі онда іс материалдары көп, – деді Дембаев.

Оның айтуынша, күдіктілердің бәрі ұсталған жоқ.

– Видеоматериалдарды қарап жатырмыз, содан кейін ғана шешім қабылданады, – деді бас прокурордың орынбасары.

Бұған дейін, ішкі істер министрлігі кейбір жергілікті билік органдарына Жамбыл облыстық полиция департаментінің аумақтық бөлімшелері 25-тен астам қылмыстық іс қозғағанын хабарлаған болатын.