• USD 468.56

  • EUR 497.56

  • RUB 7.3

  • CNY 67.18

29 Наурыз, 02:02:57
+35°

Шығыс Қазақстан облысының әкімдігі Зайсан ауданыда коронавирус жұқтырған Қытай азаматтары жатқызылады деген ақпараттың шындыққа сәйкес келмейтінін айтты, деп хабарлайды Qamshy.kz ақпарат агенттігі. 

Кешелі бері әлеуметтік желілерде «коронавирус жұқтырған Қытай азаматтары Зайсан ауданына жеткізіліп, жергілікті ауруханаға жатқызылады» деген сыңайдағы ақпараттар тарап кеткен. Осыны естіп үрейленген Сартерек және Айнабұлақ ауылының тұрғындары көшеге шығып, сондағы ауруханалардың алдына жиналды. Олар шекараның жабылуын талап еткен.

«Облыс әкімі Даниал Ахметов жұртты тыныштандыру үшін Зайсанға келді. Өңірімізге науқас адамдар әкелінеді деген ақпарат жалған. Шындыққа сәйкес келмеймін мәліметтерді таратқандар қылмыстық жауапқа тартылатынын еске саламыз», - дейді облыс әкімінің баспасөз қызметі.

19 ақпан күні аймақ басшысы Даниал Ахметов халық алдында есеп беру кездесуінде шекаралас ауыл тұрғындарын коронавирустан үрейленбеуге шақырған еді.

«Қазақстанда инфекция жұқтырған ешкім жоқ. 17 ақпаннан бастап Қытайдан келген әрбір азамат 2 аптаға обсервациялық бақылауға жатқызылуда. Облыстың медициналық мекемелерінде коронавирусқа қарсы препараттар қоры жеткілікті. Сондықтан баршаңызды үрейленбеуге шақырамын. Жағдай бақылауда», - деді Даниал Кенжетайұлы.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір