Қазақстаннан Қытайға тағы 2 ұшақ жіберіледі

Президент Қасым-Жомарт Тоқаевтың Қазақстан азаматтарын коронавирус жұқтырудан қорғау жөніндегі шара қабылдауы туралы бұйрығына сәйкес, Қазақстан Республикасының Үкіметі Қытайда жүрген қазақстандықтарды эвакуациялап жатыр, деп хабарлайды Qamshy.kz ақпарат агенттігі  zakon.kz-ке сілтеме жасап.

"10 және 12 ақпанда Қытай үкіметінің келісімі бойынша Эйр Астана авиакомпаниясы Пекинге Қазақстан азаматтарын эвакуациялауға екі ұшақ жібереді. Жолаушылар ұшу кезінде медициналық қызметкерлермен бірге келеді" делінген  ҚР СІМ хабарламасында.  

Қытай өтініші бойынша осы рейс арқылы Қазақстандағы Қытайдың 47 азаматын, сонымен қатар Қытай елшілігінің коммерциялық емес жүктерін жеткізу жоспарлануда.

Қазіргі уақытта Қытай аумағында Қазақстанның 719 азаматы бар, олардың 391-і отанға оралуға көмек көрсетуді сұраған. Қалғандары дипломатиялық мекеме қызметкерлері мен олардың отбасы мүшелері, студенттер және басқа жеке тұлғалар Қытайда қалуға ниет білдірді.

Қытайдағы Қазақстанның дипломатиялық мекемелері қажет болған жағдайда тиісті көмек көрсету үшін Қазақстан азаматтарымен жұмыс істеуді және байланыста болуды жалғастыруда. Бұл шаралардың барлығы Қытайдағы қазақ азаматтарымен байланысты барлық мәселелерді шешуге сындарлы көзқараспен қарайды.