Министр: 8 адам қаза тапты, 2 полицей жарақат алды

Жамбыл облысы Қордай ауданында болған жанжалдан 8 адам қаза болды. Бұл туралы ІІМ басшысы Ерлан Тұрғымбаев хабарлады. 

"Ондаған адам жарақат алды, сегіз адам көз жұмды. 2 полицей жараланып, 30-дан астам үй, 15 сауда нысаны қираған. Сондай-ақ 23 көлік бүлінген", - деді министр 8 ақпан күнгі брифинг кезінде.

Сонымен қатар министр 47 адамның полиция бөліміне жеткізілгенін, 2 аңшылық мылтық тәркіленгенін айтты. 

Ол "барлық кінәлілердің жауапқа тартылатынын" мәлімдеді. Қазіргі кезде жанжал болған елді мекендерді полиция бақылап тұр. Министр жағдайдың тұрақтанғанын айтады.