• USD 389.52
  • EUR 429.21
  • RUB 6.07
  • CNY 54.94
20 Қаңтар, 00:38:16
Қазақстан Украинаның сауда нарығына алаңдаулы

27 Желтоқсан, 2019 Оқиғалар

Алматыдағы ұшақ апатынан Informburo.kz сайтының редакторы да қаза болды

Informburo.kz

Алматыдағы ұшақ апатынан қаза болғандардың арасында Informburo.kz сайтының редакторы Дана Круглова да бар. Бұл туралы Іnformburo.kz сайты хабарлады. 

Сайттың жазуынша, 35 жастағы Дана Круглова Алматыда іскерлік кездесулері болғанына қарамастан, жаңа жылды ата-анасымен қарсы алу үшін Алматыдан Нұр-Сұлтан қаласына ұшпақ болған. 

"Дана Круглова нағыз журналист болған еді. Ол жазған мақалалар қоғамда резонанс тудырып, редакцияның барлық қызметкерлеріне үлгі болатын. Қаңтар айында Дана шығарушы редактор болды, ал 1 желтоқсаннан бастап тергеу бөлімін басқарды. Дана адал, батыл және объективті болды. Бұл біздің барлығымыз үшін орны толмас қайғы", - дейді Informburo.kz сайтының бас редакторы Михаил Дорофеев. 

Дана Круглова 1984 жылы 8 сәуірде  дүниеге келген. Е.Бөкетов атындағы Қарағанды мемлекеттік университетін журналистика мамандығы бойынша бітірген. 

Жұма күні таңғы уақытта Алматыдан Нұр-Сұлтан қаласына ұшып шыққан ұшақ радардан жоғалып кеткені хабарланған. Әуежай баспасөз қызметінің мәліметінше,  Алматыдан Нұр-Сұлтан қаласына 2100 рейсімен 07:05-те ұшып,  радардан жоғалып кеткен «Bek Air» әуе компаниясының ұшағының бортында 95 жолаушы және 5 экипаж мүшесі болған. Соңғы ақпарат бойынша, қаза тапқандар саны 15-ке жеткен. Олардың 14-і апат болған орында қаза тапса, біреуі ауруханада көз жұмған. 

Ілмек сөздер: Ұшақ апаты

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір