• USD 389.52
  • EUR 429.21
  • RUB 6.07
  • CNY 54.94
11 Желтоқсан, 19:55:25
Қазақстан Украинаның сауда нарығына алаңдаулы

27 Қараша, 2019 Маңғыстау облысы

Маңғыстауда 191,5 шақырым жол жаңартылады

Маңғыстау облысында республикалық, облыстық және жергілікті маңыздағы автомобиль жолдарының жаңартылуы қызу жүргізіліп жатыр. Облыста жолдың жақсы және қанағаттанарлық жағдайы 92%-ды құрап отыр. Қайта құрылымдау жұмыстары 191,5 шақырымға жасалмақ.  218,8 шақырым жолға орташа жөндеу өткізіледі. 

Қазақстан мен Өзбекстанды жалғайтын «Бейнеу – Ақжігіт – Өзбекстан шекарасы» автожолы күрделі жөндеуден өтіп, бірінші кезеңі пайдалануға берілді.  Ал, екінші кезеңі 2020 жылдың сәуір айында аяқталады. Қазір «Жетібай-Жаңаөзен-Түркменістан шекарасы»   автомобиль жолының құрылысы жүруде. 73 шақырымды құрайтын жолдың құны 14,9 млрд.теңге.

Облыстық және жергілікті маңыздағы «Ақтау-Қаламқас» және «Таушық-Шетпе» автомобиль жолындағы жасанды имараттарды қайта жаңартуға 872 миллион теңге бөлінді. Маңғыстаудағы киелі жерлерге баратын «Ата жолы» автожолы да қайта жаңаруда. Қазір құрылыс-монтаж жұмыстарының 90%-ы орындалды. Құрық ауылынан теңіз портына дейінгі 22 шақырым жол да  аяқталады. Сондай-ақ «Жыңғылды-Шайыр-Шеркала мекені» 29,5 шақырым жолы, «Шетпе-Қызан» автомобиль жолын қайта құрылымдау 49-85 шақырым учаскесі және т.б. жолдар жаңартылуда.

Аймақта авто жолдарының жалпы ұзындығы - 2846,1 шақырымды құрайды. Оның ішінде, республикалық маңыздағы – 1049 шм болса, облыстық және жергілікті маңыздағы – 1 797,1 шақырым.

 

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір