• USD 389.52
  • EUR 429.21
  • RUB 6.07
  • CNY 54.94
10 Желтоқсан, 08:16:02
Қазақстан Украинаның сауда нарығына алаңдаулы

27 Қараша, 2019 Барлық аймақтар

Жетісайдағы 4 мектепке қазақтың ұлы тұлғаларының есімі берілді

Титов пен Чехов атындағы білім ордасының да аты өзгерді

Қазақстан Республикасы Үкіметінің жанындағы республикалық ономастика комиссиясының ұйғарымы бойынша Түркістан облысының Жетісай  ауданындағы төрт білім ордасына қазақтың ұлы тұлғаларының есімі берілді. Сонымен..

Қазақстан Республикасы Үкіметінің жанындағы республикалық ономастика комиссиясы
15.11.2019 жылы Түркістан облысы, Жетісай ауданы бойынша шешімдер қабылдады:
1.Жетісай ауданы білім бөлімінің «№8 жалпы орта мектебі» коммуналдық мемлекеттік мекемесіне – Алпамыс батыр есімін беру;
2.Жетісай ауданы білім бөлімінің «№28 жалпы орта мектебі» коммуналдық мемлекеттік мекемесіне – Хиуаз Доспанова есімін беру;
3. Жетісай ауданы білім бөлімінің «Г.Титов атындағы №54 жалпы орта мектебі» коммуналдық мемлекеттік мекемесін – Ілияс Есенберлин есіміне өзгерту;
4.Жетісай ауданы білім бөлімінің «А.Чехов атындағы №62 жалпы орта мектебі» коммуналдық мемлекеттік мекемесін – Кенесары хан есіміне өзгерту;

ономастика

Ерекше атап өтер жайт, Жетісай ауданына есімі белгілі кәсіпкер, меценат Бауыржан Оңғарбаев №8 білім ордасына Алпамыс батырдың есімін беруге байланысты көп еңбек сіңірді. Озат оқушыларға Алпамыс батыр атындағы стипендия тағайындады. Мектепті гүлдендіруге, көркейтуге атсалысты. Елбасының жарлығымен «Ерен еңбегі үшін» медалін алған Бауыржан Оңғарбаев қазір де аудан көлемінде көп іске ұйытқы болып жүр. Алаш ардақтысы Сұлтанбек Қожановтың есімін мәңгілікке қалдыру мақсатында ол ұлт үшін үлкен жұмыстар тындырды.

Енді міне екі жылдан астам уақыттан кейін  №8 мектепке Алпамыс батырдың есімі берілді. «Алпамыс батыр» атындағы республикалық қордың төрағасы ретінде  ол  әлі де талай ұлт үшін жасалатын ұлы істердің басы-қасында жүретініне біздің сеніміміз мол.  

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір