• USD 389.52
  • EUR 429.21
  • RUB 6.07
  • CNY 54.94
14 Желтоқсан, 11:39:18
Қазақстан Украинаның сауда нарығына алаңдаулы

18 Қараша, 2019 NEWS

Жаңа бағдарлама бойынша кімдерге баспана беріледі?

Елімізде баспананың қолжетімді болуы үшін тағы бір бағдарлама енгізіледі, – деп  Qamshy.kz ақпарат агенттігі хабарлайды.

 Бұл туралы Үкімет отырысында индустрия мен инфрақұрылымдық даму министрі Бейбіт Атамқұлов айтты. 

Үкімет 2020-2025 жылға арналған "Нұрлы жер" тұрғын үй-коммуналдық даму мемлекеттік бағдарламасының жаңа жобасын мақұлдады.

"Бірыңғай тұрғын-үй саясатын жүзеге асырудың" бірінші тапсырмасы аясында баспана қолжетімділігі сатысы енгізіледі. Халықтың табысы негізгі фактор болады. Отбасы мүшесі үшін бір күнкөріс минимумы – 29,7 мың теңге табысы бар кезектегі адамдарға жетім балалар, 1 және 2-топтағы мүгедектер, зейнеткерлер мен басқалар үшін сатып алуға болмайтын жалдамалы баспана беріледі", – деді министр. 

Атамқұловтың айтуынша, "Бақытты отбасы" бағдарламасы кезектегілерге қолжетімді болып қала береді. Олардың санатына кіретіндер – екі күнкөріс минимумы – 59,4 мың теңге табысы бар көпбалалы, толық емес және мүгедек баласы бар отбасылар.

 "3,1 күнкөріс минимумы – 92 мың теңге табысы бар кезектегілер "5-20-25" бағдарламасы бойынша әкімдіктің кредиттік баспанасына үміткер болады, олар – әскери қызметкерлер, мемлекеттік қызметкерлер, бюджеттегілер. 3,1 күнкөріс минимумынан жоғары табысы бар тұрғындарға "7-20-25" бағдарламасы қолжетімді", – дейді Бейбіт Атамқұлов. 

Министрдің сөзіне сүйенсек, 5 күнкөріс минимумы – 148,5 мың теңгеден жоғары табысы бар қазақстандықтар баспана алу үшін "Баспана-хит", "Орда", "Свой дом" секілді нарықтық бағдарламаларды пайдалана алады.

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір