• USD 389.52
  • EUR 429.21
  • RUB 6.07
  • CNY 54.94
06 Желтоқсан, 09:07:25
Қазақстан Украинаның сауда нарығына алаңдаулы

14 Қараша, 2019 NEWS

Тоқаев "CNP" басшына қазақстандық жұмысшылардың жалақысын көтеруді жүктеді

Президент Қасым-Жомарт Тоқаев "CNPC" корпорациясы Директорлар кеңесінің төрағасы Ван Илиньді қабылдады – деп Qamshy.kz ақпарат агенттігі хабарлайды, Ақордаға  сілтеме жасап.

Мемлекет басшысы қазақ-қытай арасындағы тату көршілік қарым-қатынастардың қарқынды дамып келе жатқанын айта келіп, еліміздің әлеуметтік-экономикалық өрлеуіне "CNPC" компаниясының қосқан үлесін жоғары бағалады.

"CNPC" компаниясы мұнай өндіру, өңдеу, көмірсутегін тасымалдау салаларында еңбек етеді. Сіздің корпорация жүзеге асырып жатқан жобалар Қазақстан экономикасында аса маңызды рөл атқарады", – деді Тоқаев.

Президент "CNPC" басшылығының алдына қазақстандық жұмысшылардың жалақысын көтеруге, олардың айлығын шетелдік жұмысшыларға төленетін еңбекақы деңгейімен теңестіруге, сондай-ақ тауар сатып алу және қызмет көрсету ісінде қазақстандық өнімнің үлесін арттыруға байланысты бірқатар міндет қойды.

Ал Ван Илинь Қасым-Жомарт Тоқаевқа қолдау көрсеткені үшін алғыс айтып, өзара тиімді ынтымақтастықты одан әрі дамытуға қатысты компанияның алдына қойылған міндеттерге түсіністікпен қарайтынын жеткізді.

 

 

 

Ілмек сөздер: Қасым-Жомарт Тоқаев

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір