• USD 389.52
  • EUR 429.21
  • RUB 6.07
  • CNY 54.94
14 Желтоқсан, 22:00:25
Қазақстан Украинаның сауда нарығына алаңдаулы

05 Қараша, 2019 NEWS

Қазақстандықтар қозғалтқыш көлеміне сәйкес қандай машинаны таңдайды?

Автокөлік қуаты қозғалтқыш көлеміне тәуелді. Қозғалтқыш көлемі үлкендер "желісті" келетіні белгілі. Бірақ оның құны да арзан емес. Сондай-ақ көлемді қозғалтқыштардың отын шығысы көбірек, салығы жоғарырақ. Freedom Finance Insurance сақтандыру компаниясының мамандары зерттеу жүргізіп, қазақстандықтар үшін қозғалтқыштың қандай көлемі ұнамды екенін анықтады.

2019 жылдың тамыз айындағы дерекке сәйкес Қазақстанда 3 698 309 автокөлік тіркелген. Бұл – өткен жылмен салыстырғанда, 5,5 пайызға кем. Ең көп көлік саны Алматы облысында – 489 294. Санына қарай екінші орында Алматы (466 886), үштікте Шығыс Қазақстан облысы (296 080) жайғасқан.

Қазақстандағы автокөліктердің көбінің (64,8%) шығарылған мерзімі 10 жылдан асып кеткен. Шыққанына 3 пен 7 жыл болған машиналар үлесі 15,7 пайыз. Зауыттан шыққанына 3 жылдан аспайтын машиналар саны елімізде одан да аз – 10,4%.

Қазақстандықтардың дені қозғалтқыш көлемі 1 500 – 2 000 текше см машиналарды таңдайды екен. Бұндай қозғалтқыш көлемдегі автокөліктер саны 1 711 633. Бұл – тіркелген барлық машиналар санының жартысын құрайды (46,3%). Танымалдылығы бойынша екінші орында – қозғалтқыш көлемі 1100 – 1500 текше см. көліктер ( 667 951, 18,1%). Аталған қозғалтқыш көлемі бар автокөліктер "қалалық" деп танылады. Себебі, қалалық жүргізушілер үшін машинаның қуаты емес, отын пайдалану шығысы маңыздырақ.

Танымалдылығы бойынша үшінші орында – қозғалтқыш көлемі 2 000 – 2 500 текше см. дейін автомашиналары (16,7%). 

Қозғалтқыш көлемінің үш түрі: 3 000 – 4 000 текше см (3,3%), 4 000 – 10 000 текше см (1,9%) және 1 100 текше см дейінгі (1,3%) көліктер көп кездеспейді.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір