Балаларға базарлық. Қазақ мультфильмдері енді youtube-та

Халықаралық анимация күніне орай "Қазақфильм" киностудиясы youtube желісіндегі арнасына тәуелсіздік жылдары жарыққа шыққан бірнеше анимациялық фильмді жүктеді, деп хабарлайды киностудияның баспасөз қызметі.

Мульфильмдер қатарында "Күлтегін", "Мұзбалақ", "Тимур мен Жаник", "Тимур мен айдаһар", "Жерұйық", "Мақтаншақ қыз", "Қошқар мен теке, "Ер Төстік және Айдаһар, "Қазақстан -  біздің ортақ үйіміз", "Қазақ Елі" сынды туындылар бар.

Одан бөлек, «Қазақфильм» киностудиясы қазақ киносының алтын қорына енген фильмдерді, оның ішінде қазақ киносының классигі Шәкен Айманов түсірген барлық фильмдерді өзінің youtube желісіндегі ресми арнасына жүктеуді жоспарлап отыр.