• USD 389.52
  • EUR 429.21
  • RUB 6.07
  • CNY 54.94
06 Желтоқсан, 19:40:36
Қазақстан Украинаның сауда нарығына алаңдаулы

21 Қазан, 2019 NEWS

«БАКАД» қашан салынып бітеді?

«Үлкен Алматы айналма автокөлік жолы» жобасы 150 млрд теңгеге бағаланып отыр, деп жазады LS сайты. Алты жолақты жолдың жалпы қашықтығы 66 шақырымды құрамақ. Жол бойында 38 өтпежол мен өткел және 7 көлік жолайрық салынады. Оның құрылысына сапалы қызметті қамтамасыз етуге арналған алдыңғы қатарлы технология қолданылмақ.

Инвесторды анықтауға арналған конкурс 2015 жылы жарияланған болатын. Ол тұста бірнеше халықаралық компания қызығушылық танытқан-ды. Алайда келісімшарт тек 2018 жылғы 7 ақпанда түрік-корей консорциумымен жасалды.

2018-2019 жылдары жобалық-сметалық құжаттар мен даярлық жұмыстары әзірленді. Бүгінде Алматыда 26,5 шақырым жолда құрылыс-монтаж жұмыстары жүруде. Келісім-шартқа сәйкес үлкен Алматы айналма автокөлік жолын 2020 жылы іске қосу жоспарлануда.

Жол ақылы болады. Жеңіл көліктерге бөлек, жүк көліктері бөлек тариф бекітіледі. Зерттеу қорытындысына сай, жолмен күніне 30 мың – 70 мың көлік жүреді деп күтілуде. Бұндай қарқынмен 15 жылда 231 млрд табыс түспек. Ал 25 жылда 570 млрд теңге кіріс кірмек.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір