• USD 389.52
  • EUR 429.21
  • RUB 6.07
  • CNY 54.94
10 Желтоқсан, 08:28:14
Қазақстан Украинаның сауда нарығына алаңдаулы

18 Қазан, 2019 NEWS

Алматы әкімінің грантын 90 жазушы алды

18 қазанда Алматы әкімі Б. Сағынтаев жазушылар қауымымен кездесті және атаулы гранттарды тапсырды.

Гранттар – тамыз айында Жазушылар үйінде әдебиет шығармашылығы қызметкерлерімен болған кездесуде айтылған қолдаудың бір шарасы. Грантқа үміткерлерді Қазақстан Жазушылар одағының комиссиясы анықтайды. Грант сомасы – 500 мың теңге. Қазақстан Жазушылар одағының 820 мүшесінің 360-ы Алматыда тұрады.

Қала әкімі ағымдағы жылы Қазақстан Жазушылар одағының тарихи ғимаратын жөндеу басталатынын, нысанның бұрынғы сәулет көркін сақтау басты шарттың бірі екенін атап өтті. Келер жылы Әдебиетшілер үйін жөндеуден өткізу жоспарланған.

«2021 жылы біз ел Тәуелсіздігінің 30 жылдығын атап өтеміз, келер жылы – ұлы Абай мен әл-Фарабидің мерейтойлары. Сіздердің сценарийлерді, қойылымдарды, әдеби шығарманы әзірлеуге қосатын үлестіріңіз өте бағалы», – деді Б. Сағынтаев, сонымен қатар ол қоғамға рухани бағдардың қажет екенін атап өтті.

Өз кезегінде Қазақстан Жазушылар Одағының төрағасы Ұлықбек Есдәулет қолдауға, әсіресе жас жазушыларға көрсетілген сенімге алғыс сөзін айтып, ризашылығын білдірді.

«Бізге, халықтың өкілі ретінде әкімнің естуі маңызды, демек ол қалалықтардың қажеттіліктері мен үміт-ниетін біледі деген сөз. Біз өз тарапымыздан қала қоғамдастығын дамытуға өз үлесімізді қосу үшін барлық мүмкіндіктерді жасайтын боламыз», – деді Ұ. Есдаулет.

Әкімнің гранттарын алғандар ішінде драматург Софы Сматаев, жазушы Темірхан Медетбек, ақындар Исраил Сапарбай, Надежда Чернова, Патигүл Мақсатова, Любовь Шашкова, жас ақындар Дархан Бейсенбекұлы, Досхан Жылқыбай, Ирина Гумыркина, аудармашы Нина Скаловская, сыншы Бағашар Арықбаев және басқалары бар.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір