Қызылордадағы жантүршігерлік жол апатының видеосы пайда болды (видео 18+)

Әлеуметтік желіде Қызылордадағы жантүршігерлік жол апатының видеосы пайда болды деп жазады Qamshy.kz ақпарат агенттігі. 

Жол апаты автобустың бейнекамерасына түсіп қалған. Видеодан автобустың орташа жылдамдықпен жүріп келе жатқанын байқауға болады. Кейін жолға кішкентай бала жүгіріп шығады. Мұны көрген әкесі артынан жүгіріп, ұлын құтқармақ болады. Алайда автобус екеуін де қағып кетті. 

Еске сала кетсек, жол апаты 17 қазанда түстен кейін 12.30 шамасында Абай мен Алтынсарин көшелерінің қиылысында болған. Ұлын құтқармақ болған ер адам қайтыс болды, ал 4 жасар бала облыстық аурухананың жансақтау бөліміне жеткізілді.