Түркістанда ерекше субұрқақ ашылды

Түркістандағы абаттандыру жұмыстары жүзеге асып жатқан “Гүлдер саябағының” іргесінен шəйнек үлгісіндегі субұрқақ іске қосылды деп жазады Qamshy.kz ақпарат агенттігі "Отырар" порталына сілтеме жасап.

Ұлттық оюмен өрнектелген шəйнектен кесеге құйылған шəйдің көрінісін бірден аңғаруға болады. Креативті дүние арлы-берлі өткеннің таңданысын туындатып жатқаны да жасырын емес.

Түркістан қаласының жазғы климаты өте ыстық болғандықтан, тұрғындар бойұсынса да, келушілердің əрдайым көңілі ауатын құбылысы – ауа-райы. Сондықтан да, демалыс орындарын жандандыруды көздеген рухани мекенде міндетті түрде субұрқақтар саны артатын болады. Нəтижесінде, бой сергітіп отыруға келген тұрғындарға жайлылық пен ыңғайлылық сыйлайды.
⠀
Айта кетейік, бұл жоба қала əкімі Рашид Аюповтың бастамасымен іске асып отыр. “Түркістан жарық-тазалық” ЖШС мердігерлік еткен ерекше субұрқақ дəстүрге сай, заманауи əрі елімізде алғаш рет бой көтерді. Мыстан жасалған жаңа фонтанның биіктігі 6 метр, ал ені 7 метрді құрайды. Қағаз бетіне түсірілген тың дүниені үйлестіруде 15 жұмысшы қызмет етті. Жақын арада толықтай аяқталып, түнгі уақытта түрлі түске еніп, кешкі қаланың ажарын айшықтай түспек.