• USD 389.52
  • EUR 429.21
  • RUB 6.07
  • CNY 54.94
14 Желтоқсан, 22:52:35
Қазақстан Украинаның сауда нарығына алаңдаулы

16 Қазан, 2019 NEWS

Алматыда белгілі мүсіншінің мемориалдық көрмесі ашылады

Орталық мемлекеттік музейде 17 қазанда Алматы әкімдігінің қолдауымен Қазақстанның танымал суретшісі әрі мүсіншісі Бақытжан Әбішевтің «Дала дауысы» атты мемориалды көрмесі ашылады, деп хабарлайды әкімдіктің баспасөз қызметі.

Б. Әбішев 1970 жылдан студенттік, республикалық, бүкілодақтық және халықаралық көрмелерге қатысып келеді, ол көптеген конкурстардың лауреаты әрі әйгілі монументалды жұмыстардың авторы, олар: Алматыдағы Жамбыл мен Тоқаш Бокиннің, Жаңақорғандағы ҰОС құрбандарының, Ақтөбедегі Әлия Молдағұлованың, Баянауылдағы Бұхар жыраудың, М. Көпеевтің, С. Торайғыровтың, Қарағандыдағы С. Сейфулиннің ескерткіштері, сонымен қатар Алматыдағы әл-Фарабидің, Махамбеттің, Күләш Байсейітованың, жазушы Ә. Шәріповтың, Астанадағы Ата Түрік пен Жаяу Мұсаның бюстері және басқалары.

Білдек жанры шеберінің көптеген жұмыстары Қазақстан мен шетел музейлеріне қойылған. Лозаннадағы Олимпиада комитетінің штаб-пәтерінде «Олимпиец», Германиядағы жеке коллекцияда «Күйші», Мәскеуде «Томирис» сынды туындылары бар.

Бақытжан Әбішев Атырауда Махамбеттің 200 жылдық мерейтойына арнап қазақ халқының кемеңгер ұлдары, ұлттық батырлары Махамбет Өтемісов пен Исатай Таймановтың ат үстіндегі ерекше монументін жасаған.

Б. Әбішевтің шығармашылығы халыққа және өнерді бағалайтындарға кеңінен таныс. Қазақ халқының тарихы, оның көрнекті қайраткерлерінің өмірі мүсіншіге тым жақын әрі оның шығармашылығының басты негізі. Ол тарихи тұлғалар мен ұлттық батырлар образдарын жасау және олардың ерекшеліктерін көрсету арқылы еліміздің көркемөнеріне айтарлықтай үлес қосты.

Автор өз шығармаларын жасау барысында түрлі композициялық және живописті пластикалық заттар мен әдістерді қолданады. Оның «Ана портреті», «Күйші», «Уран», «Құлагер», «Ұмай», «Томирис», «Беташар», «Бүркітші», «Батыр» сынды еңбектері кеңінен танымал.

Көрме 2019 жылдың 30 қазанына дейін жалғасады.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір