• USD 389.52
  • EUR 429.21
  • RUB 6.07
  • CNY 54.94
12 Желтоқсан, 14:24:40
Қазақстан Украинаның сауда нарығына алаңдаулы

15 Қазан, 2019 Аймақтар

Құтқарушылар қашан да құрметке лайық

Жамбыл облысы Төтенше жағдайлар департаментінің Өрт сөндіру қызметінде жыл сайын «19 қазан – Қазақстан Республикасының Құтқарушылар күні» кәсіби мерекесіне орай қызметкерлердің балалары арасында сурет салудан байқау ұйымдастырылып келеді. Бұл жолғы байқауда «Мамандығы - құтқарушы» тақырыбында өтті, деп жазады Qamshy.kz ақпарат агенттігі. 

Байқау жарияланған сәттен бастап арада көп уақыт өтпей мекемеге балалар тарапынан 15 туынды келіп түсті. Әр туынды өзінше ерекшеленетіндігін атап өткен жөн. Әркімнің өздері салған суреттеріне қарап, өзіндік айтайын деген ойларын аңғаруға болады. Дегенмен бізге мәлім болғаны қай бала болмасын әкесінің атқаратын қызметімен мақтанатындығын, тіпті болашақта әкелерінің жолын қуып, олар да өрт сөндіруші-құтқарушы болғысы келетіндіктерін айтпай-ақ түсінуге болады.

Сонымен қатар, аталмыш байқаумен қатар поэтикалық байқаудың да ұйымдастырылып өткізілгендігін атап өткен жөн. Ал бұл байқау «Құтқарушылар қашан да құрметке лайық» деп аталды. Аталған байқау түрі бойынша қызметкерлер мен олардың балалары өздерінің қызметтің мәртебесін көтеретіндей деңгейдегі шығармалары мен өлең жолдарын ұсынды. Бұл шара барысында азаматтық қорғау саласы да таланттардан құралақан емес екендігін көрсетті. Байқау соңында 8 өлең мен эсселер жинақталды. Әрбір туынды өзіндік мағынаға тұнып тұрғандығын оқыған жан бірден аңғарады.

Мекеменің оқу сыныбына жиналған арнайы қазы мүшелері байқауды қорытындылады. Облыстық ТЖ департаменті мен Өрт сөндіру мекемесінен құралған комиссия мүшелері әрбір туындымен бүге-шігесіне дейін толық деңгейде танысып, бірінен бір өтетін туындыларға тіпті алғашында баға қандай баға беруге болатындығын білмей дал болды. Дегенмен қазы мүшелері өлең шумақтарын шығарған авторлардың ерекше бір мәнермен айтылған өлеңдерін өз ауыздарынан ынтамен тыңдады. Айта кеткен жөн, шалғай аудандардағы бөлімшелерден келе алмаған қызметкерлер әлеуметтік желі арқылы өздерінің өлеңдерін бейнетаспаға түсіріп жолдаған болатын. Қазы мүшелері белсене қатысқан қызметкерлер мен олардың балаларына алғыстарын білдіріп, тиісті бағаларын беруге кірісті.

Көп ұзамай марапаттау рәсімі де өткізілді. «Мамандығы – құтқару» сурет байқауы бойынша І орынды Тараз қаласы №3 Өрт сөндіру бөлімі қызметкерінің баласы Шаримхан Мансур иеленді. Ал ІІ орынды Тараз қаласы №4 Өрт сөндіру бөлімі қызметкерінің қызы Іңкәр Кәрібай жеңіп алды. Сондай-ақ Жуалы ауданы №7 Өрт сөндіру бөлімі қызметкерінің ұлы Абдуазиз Қадірбекке жүлделі ІІІ орын бұйырды. Ал шығармашылық байқауда І орынды Шу ауданы, Шу қаласы №5 Өр сөндіру бөлімінің өрт сөндірушісі, азаматтық қорғау сержанты Есенаман Нәдірбек жеңіп алды. ІІ орынды Тараз қаласы №2 мамандандырылған өрт сөндіру бөлімінің өрт сөндіруші-құтқарушысы Нұрғазы Бердіханов иеленді. Шу ауданы, Шу қаласы №5 өрт сөндіру бөлімінің қарауыл бастығы, азаматтық қорғау аға лейтенанты Асылхан Юсупов ІІІ орыннан көрінді.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір