09 Сәуір, 2019 Саясат

Қазақстанда кезектен тыс президент сайлауы өтетін болды

Мұндай шешімге президент Елбасы Нұрсұлтан Назарбаевпен ақылдаса отырып келген.

Қазақстанда кезектен тыс президенттік сайлау 2019 жылдың 9 маусымында өтетін болады. Бұл туралы Қасым-Жомарт Тоқаев халыққа үндеуі барысында айтты деп хабарлайды Qamshy.kz ақпарат агенттігі.

Мұндай шешімге президент Елбасы Нұрсұлтан Назарбаевпен, парламент спикерлерімен әрі Үкімет басшысымен ақылдаса отырып келген.

"Президентті халық таңдайтын болады. Мен басшы ретінде сайлаудың әділ әрі таза өтуіне кепілдік беремін", - деді Қасым-Жомарт Тоқаев президент ретіндегі алғашқы үндеуінде.

Айта кетейік, Қазақстанда 30 жылға жуық билік құрған Назарбаев 19 наурызда кенеттен президент қызметінен кететінін мәлімдеді. Ол мәлімдемесінде сайлау өткенше Қасым-Жомарт Тоқаев президент болатынын айтқан.

Тоқаев 20 наурызда ант беріп, қызметіне кірісті. Ал​ Тоқаевтың орнына Нұрсұлтан Назарбаевтың үлкен қызы Дариға Назарбаева сенат спикері болып тағайындалған.

Ұсынған: Гүлім Жақан

Gulim Zhaqan

Әл-Фараби атындағы Қазақ Ұлттық универистиетінің филология және әлем тілдері факультетін бітірдім. 2017 жылдан бері Qamshy.kz ақпарат агенттігінің тілшісімін. 2016 жылы оқуды бітіргенімде ұстаздық ету немесе журналист болу деген екі түрлі таңдау тұрды алдымда. Біріншісін көрейін деп алғашында кішігірім курстарда сабақ беруден бастадым. Кішігірім курстардың өзінен шабыт ала алмаған мен өзгеден бұрын өзіңе үйретерің көп болуы тиіс білім бұлағы мектепке барудан тартындым. Сөйтіп шабыттардың, шығармашылықтардың мекені - журналистикадан бірақ шықтым. Жаздым, жазып жүрмін, жаза беремін - бұл менің өмірім! Болашақта өзге басылымдарға ауыссам да, қамшы қолымнан ешқашан түспейді. Осыны түсіндім.

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір