Ақпараттық технологияларды дамыту мәселелері бойынша кеңес отырысы өтті

ҚР Ақпарат және коммуникациялар министрі Дәурен Абаевтың қатысуымен Астанада ақпарат, ақпараттық коммуникациялық технологиялар және мемлекеттік қызметтерді көрсету салаларын дамыту мәселелері бойынша Қоғамдық кеңестің отырысы басталды, деп хабарлайды Qamshy.kz ақпарат агенттігі.

Отырыс барысында БАҚ саласындағы мемлекеттік тілдің қолданысы, «Ашық үкімет» порталының дамуы және басқа да мәселелер талқылануда.

Еске сала кетейік Дәурен Абаев БАҚ туралы заңға енгізілген өзгертулер мен толықтыруларды түсіндірген бейнежазбасын жариялаған.

Бұдан бұрын министр Парламент қарауына жіберілген ақпарат және коммуникация саласы бойынша заң жобасының нормаларын түсіндіріп берген болатын.