30 Мамыр, 2017 NEWS

ҚАЗАҚСТАН ЖУРНАЛИСТЕР ОДАҒЫ БАҚ АРАСЫНДА ДӘСТҮРЛІ БАЙҚАУЫН ЖАРИЯЛАДЫ

Қазақстанның Журналистер одағы БАҚ арасында дәстүрлі байқауын жариялады. Байқау 28 маусымда аталып өтетін журналистер күніне орай ұйымдастырылып отыр....

Қазақстанның Журналистер одағы БАҚ арасында дәстүрлі байқауын жариялады. Байқау 28 маусымда аталып өтетін журналистер күніне орай ұйымдастырылып отыр. Журналистерге тақырып таңдауда еркіндік берілген. Ол инновациялық жұмыстар, аймақтарда кәсіпкерлік бастаманы қолдау, қоршаған орта мәселелері, жергілікті халықты қоғамдық маңызды қызметтерге жұмылдыру сынды тақырыптар болуы мүмкін.

 

Сондай-ақ, мәдени, жастардың әлеуетін кеңейту, адам құқығын қорғау, әлеуметтік мәселелердің шешімі, қолданыстағы заңнамаға өзгеріс енгізуге қатысты ұсыныстар, қоғамдық және азаматтық білім деңгейін көтеру және т.б. тақырыптарды таңдауға болады.

 

Байқауға арналған материалдарға қойылатын басты талап – тақырыптың объективті, жан-жақты, терең зерттелуі, қандай да бір мәселеге тың көзқараспен келу, өзектілік, жылдамдық. Өзекті деген тақырыпқа бірнеше жұмыс ұсынуға болады.

 

Конкурсқа 2016 жылдың 1 маусымы мен 2017 жылдың 12 маусымы аралығында жарық көрген материалдар қабылданады. Нәтиже 2017 жылдың 23 маусымында анықталып, марапаттау шарасы 2017 жылдың 26 маусымында Алматыда өтеді.

 

Аудио-видео сюжеттер, фотосуреттер 2017 жылдың 16 маусымына дейін төмендегі мекен жай бойынша қабылданады.

 

050010 Алматы қ.,  Қалдаяқов к-ші, 79, 502-кеңсе.

Тел.: 8 (727) 2-67-00-06

E-mail: [email protected]

Gulim Zhaqan

Әл-Фараби атындағы Қазақ Ұлттық универистиетінің филология және әлем тілдері факультетін бітірдім. 2017 жылдан бері Qamshy.kz ақпарат агенттігінің тілшісімін. 2016 жылы оқуды бітіргенімде ұстаздық ету немесе журналист болу деген екі түрлі таңдау тұрды алдымда. Біріншісін көрейін деп алғашында кішігірім курстарда сабақ беруден бастадым. Кішігірім курстардың өзінен шабыт ала алмаған мен өзгеден бұрын өзіңе үйретерің көп болуы тиіс білім бұлағы мектепке барудан тартындым. Сөйтіп шабыттардың, шығармашылықтардың мекені - журналистикадан бірақ шықтым. Жаздым, жазып жүрмін, жаза беремін - бұл менің өмірім! Болашақта өзге басылымдарға ауыссам да, қамшы қолымнан ешқашан түспейді. Осыны түсіндім.

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір