ҚАЗАҚСТАН МЕН РЕСЕЙ ОРТАША ДЕҢГЕЙЛІ ЖАҢА ЗЫМЫРАН ЖАСАП ШЫҒАРМАҚ

Қазақстан мен Ресей «Байқоңырға» қатысты мәселелерді талқылап, әрі қарай қолданылуын қарастырды. Жақын арада екі ел бірігіп орташа деңгейлі зымыран жасап шығаруға кіріспк, деп жазды Қамшы ақпараттық агенттігі.

Рогозиннің айтуынша, Қазақстан мен Ресей "Бәйтерек" жобасының аясында "Байқоңырды" бірге пайдалану мәселесін қарастырады.

Қазақстан сөре кешенін реконструкциялауға қаражат жағынан қатысады, содан кейін зымыранды жасап шығару жұмысы басталмақ.

«Бұл орташа деңгейлі зымыранның жер орбитасындағы жүк көтергіштігі 17 тоннаға дейін жетеді және мұнда "Байқоңырдағы" бұрынғы "Зенит" зымыранының сөре кешеніндегі дайындама қолданылады», — деді Рогозин.

РФ вице-премьері атап өткендей, мұндай зымыранның жасап шығарылуы Ресейдің ғарыш саласындағы коммерциялық қызмет көрсетулер нарығында бәсекелестігін сақтауына жәрдемдеседі.